مريض مصاب بالكسر بالقدم يدخل إلى عيادة الباطنية

بسم الله الرحمن الرحيم

السلام عليكم ورحمة الله وبركاته , اقدم لك قصه مريض مصاب بالكسر بالقدم يدخل إلى عيادة الباطنية نعم كان هذا الكلام من قبل مدير موارد البشرية بأحدى مستوصفات بالرياض عندما كنت اتحدث معه عن مشكلة حدثت اثناء عملي بالأستقبال لدى هذه الشركة . تبدا قصتي في يوم الأثنين الموافق 22/12/2014 م كان وضع الاستقبال في هذه الفتره نقص كبيرجداُ من موظفين و في اواخر السنة الميلادي بداء الامر مزعج للموظفين الاستقبال من ناحية كثر شكاوي المرضى وضغط الإداره على الموظف الاستقبال على القيام بالعمل بدل توفير موظفين اخرين بل تقوم إلى خصم من رواتب الموظفين حتى تسد جوعها الدائم التي لا تنتهي , كنت اقوم بجميع المهام حتى اصبح خبرتي اكبر في هذا وانا احمل شهادة دبلوم صحي ولكن لم يحالفني الحظ حتى اعمل بها. << ندخل بالموضوع طولت في الحش يالحبيب

ياله ياله كل واحد يجيب معه كوب شاي ويكون بالنعناع  ومعك تويكس حتى تستمتع معي

مثل ما قلت فوق في ذلك اليوم كان الوضع غير طبيعي المستوصف زحمة على الأخر و الاستقبال فيها موظفين  فقط  كأن سكان مدينة الرياض كلها في المستوصف << من كبر المستوصف  متر في متر !

من قوة النشاط فيني و محب للعمل اشتغل جميع المهام تحديث التأمينات وفتح الملفات للمرضى و قص كشوفات و خدمات و تعامل مع عملاء الكهرباء  في نفس الوقت يعني اصير بعد يومين مدير وزارة الصحه بكبرها ولا يلي يقهرك يجيك واحد اعجم ما يعرف يتكلم عربي  ارسلوه على فايز خليه يوتوت معه  << ياسلام يعني عندي كم كلمه انجليزي خلاص صرت اوتوت معه طيب طيب .

المهم جاني مريض معصب وتكلم معي من طرف خشمه المهم انا مقدر الوضع انه مريض وتعبان و حالته حاله

المريض : ابي كشفيه

فايز66 << يلي هو انا >> ندري انك هو : طيب عطني اسمك الثلاثي .

المريض : لا لا خذ الرقم اسرع

فايز66 : طيب عطني الرقم ؟

المريض :0505**** إلخ ولله ما افتكر عندي كم رقم مادري اي واحد منه في الملف

فايز66: اخوي معليش الرقم غلط ممكن تعطيني الاسم حتى اطلع لك الملف بسورعه

المريض : خذ الرقم الثاني 0556***** فايز66: للاسف غلط اعطيني الاسم ,المريض: خذ الرقم ثالث ,فايز66: ياليل وراك ناس يالحبيب عطني الاسم  ولا اعتذر عن خدمتك  المريض : خذ الاسم فلان بن فلان الفلاني . فايز66 ابتسم وقال له : اي عياده تبي ؟! المريض : ابي اي عيادة مو مشكله . فايز66: سم اي عيادة ! عندنا جميع العيادات حتى النساء والولادة تبي عايدي ؟ ,المريض : ابي اجازة مرضية انا مافيني غير العافيه . فايز66 طلع له قرون له ساعه هو خذ الرقم ومادري شو لا الرقم الثاني ووو وفي النهايه اجازه مرضيه رد عليه فايز :اها قول من اول انك تبي اجازه مرضيه  طيب طيب تشوف المكتب العلاقات المرضى  . المريض : اي نعم اشوفه ! فايز66: لاهنت روح عنده وهو يدلك على الاجازة ولا تنسى اعطيه جميع الارقام اوكي غثه مثل ما غثيتني  >> ومعطيه ابتسامه عريضه . 

بعدها جاء اتصال من قسم الطوارئ وكان الاتصال من قبل طبيبة الطوارئ كانت تترجاني اوقف شوي عن قص الفواتير من كثر الزحمة في الطوارئ .

الطبيبه السودانية : الو من معي ؟ فايز66 : معك الموظف فايز , الطبيبه : الله جابك فايز اقووليك ارحمني لا تقص فواتير انهلكتا شنو اقولك المكان زحمه مافي كراسي للمرض انا اترجاك لا ترسل مريض عندي .

فيز66 : من عيوني يادكتوره بس بشرط اتصلي على قسم العلاقات المرضى واعطيهم الخبر حتى يكون رسمي المرضى ما تفهم ابد انا تعبت اعلم الادارة و الموظفين يلي عندي الطوارئ لحالة الاسعافيه وو الحالات الخطره و إلخ .. مو حق زكام بسيط ولا حق دلع بنات مثل العادة الشهريه في عيادات مختصه فيها مو طوارئ

الطبيبه : انا ترجاك ياخي علم  يلي عندك انا اتصلت اكثر من مره على العلاقات مافي احد يروووود 

فايز66 : خلاص ابشري عني ما راح اقص فواتير اسمعي وانا اسمع يلي حولي >> بصوت عالي يا شباب الطبيبة الطوارئ وقفت شوي لا احد يحول المكان زحمه .

الطبيبه: مشكور وسمعتني القطار  طوط طوط طووووووووووط 

فايز66 : يناظر يمين ويسار لا احد سمع صوت القطار . المهم جاء مريض

المريض: ابي كشفيه على طبيب عامه ؟

فايز66 : اعتذر الطبيبه عامه عندها زحمه  ممكن اعرف وش مشكلتك حتى اعرف وين احولك 

المريض : ياخي ابي طبيب عامه وبس >> يقولها بنفخه 

فايز66 : مو مشكله  اول اعرف وش عندك  المريض: يعني بتعرف وين تحطني ياخي عندي الم في بطني من فوق إلى تحت و من اليمين إلى اليسار  . يله وين تحولني 

فايز66: اخي المريض الاول الطبيبه العامه عندها زحمه ما اقدر احولك ومرضك  يكون للباطنيه او المسالك البولية اذا وجد معها حراره بالبول >حرقان بالبول< المريض : اي نعم في حراره بالبول بس ابي طبيبه عامه 

فايز66 : اخوي والله الطبيبه وقفت اتصل تترجاني عندها زحمه  ما اقدر ادخل الا اذا عندك مشكله بالقلب ولا حاله خطره ما اقدر اكثر من كذا 

المريض : رفع صوته انت دكتور حتى تحولني على كيفك منو انت حتى تعلمني وين اروح 

فايز66: انا موظف الاستقبال احولك المكان المناسب هذي هي شغلتي انا علي اوجه المريض إلى العيادات المناسبه 

المريض: انت دكتور انت ؟

فايز66 :لا انا موظف استقبال لو سحمت لا ترفع صوتك انا اعرف اكثر منك انا دارس صحه اعرف وش اقول  شاف مشرف الاستقبال وسأله  يابو سعيد في مريض يشتكي من الآم في بطنه وعنده  حرقان بالبول وين تحوله 

رد عليه المشرف ابو سعيد: بدون ما تفكر الباطنيه او المسالك البواليه 

فايز66: سمعت يامريض هذا كلام مشرفي …

المريض: تغير وجه بدأ يتلفظ علي ويرفع صوته واصبح المكان حلبة نباح 

المشرف: اثناء غضب المريض سحب كلامه و يحمل اللوم إلى الموظف الاستقبال فايز66 يقول له لا لا اعطيه طبيبه عامه خله يروح 

فايز66 : الطبيبه العامه والله وقفت ياهووو ما تفهموا لي ساعه اقول وقفت ما تستقبل لو تبي انت قص الفاتوره انا اعتذر ما راح اسوي شيء 

المريض: لا ابيك انت تقص الفاتوره ما ابي غيرك الموضع عناد 

فايز66 عصب وحسب نفسه و توجه إلى مكتب اخر حتى يهدي من غضبه  اثناء الذهاب توجه المريض إليه و يتلفظ عليه ويسب  استمر فايز66 بالتجاهل حتى وصل المكتب خارج الاستقبال حتى لا يتكلم مع المريض  ولكن انصدم عندما جاء المريض يتهمه انه اخذ بطاقة التأمين منه رد عليه فايز66 : اخي انا لم اخذ منك شيء ولم تعطيني اي تأمين صحي  رجاء تحدث مع المشرف فأن خارج المكان الاستقبال .وبدا المريض بسب مره اخى وتلفض عليه انت حيوان وووو من جميع انواع السب  غضب فايز66 و توجه إلى المدير العام حتى يضع حد لهذه المشكله لم يجد احد يقف بجانبه  اوجه مكتب المدير اثناءانتظار المدير العام جاء مدير قسم الموارد البشرية  يخاطب فايز اريد التحدث معك رفض فايز التحدث معه  حاول مدير قسم الموارد البشرية معه حتى امتص غضب فايز وذهب معه  عندما دخل إلى المكتب المدير الموارد البشرية  وجه المدير السؤال إلى فايز : ماذا حدث ؟ اجابه فايز بكل ما حدث  رد عليه الموارد البشريه بالبرود  ليه ما تعطيه الطبيبه العامه ! اجابه فايز انت لم تسمع الحديث ! اخبرتك ان الطبيبه العامة لا تريد استقبال المرضى  عندها ضغط كبير جدا ولا يتوفر اي كراسي للمرضى تريد ان تخفف الزحمة بالطوارئ  يرد عليه المدير : يا فايز المريض اذا اختار عياده اعطيه بدون ما تناقشه ابدا 

رد فايز عليه انا اعطي المريض على رغباته ولكن عندما يكون هناك اوامر عدم التحويل اليه انا اتوقف لا احول ولا تنسى الطبيبه بشر  لابد نعطيها على قد طاقتها وليس نضغط عليها الطبيبه ليس مكينة حتى تربح منها المال فقط لها حقوق  رد المدير اذا جاء المريض يشكتي من كسر في القدم وطلب منك طبيب باطنيه  ياخي حوله على باطنيه . نظر فايز الى المدير  انت تمزح معي ؟ تقول كسر  واحوله باطنيه لا يكون يشتكي مغص برجله ولا عنده اسهال رد عليه مدير : فايز صدق اتكلم ياخي حوله بطانيه انت مالك حق تعترض !!!؟ فايز66 كان على وجه التعجب ومع ابتسامه مضيع طريقها المدير مو صاحي   فايز66: ابو عبدالعزيز يا مدير الموارد البشريه اكيد تبي تغير الجو تقولي كسر وتبيني ادخله باطنيه  عني انا لا والله اعرف عنده كسر  والله احوله عظام واختصر الوقت انا اعرف لما احوله باطنيه بيرجع عندي ويقص للعظام بدل ما اضيع وقته  واخليه يتعب  اعطيه المفيد بدل دفع الفلوس وإلخ.. المدير الموارد البشرية  انا اقول لك تدخله بطانيه لان المريض طلب كذا ! 

فايز66 شاف الوضع منتهي والمدير فاصل على الاخر  ياحبيبي انا طالع  اناقش مع الخبراء عن موضوع كسر في القدم ويدخل إلى باطنيه  يمكن اثناء الكسر حصل له نزله معويه اعتذر لكم على لإزعاج مدام المدير كذا وش يكون الموظفين ؟ 

متابعتي

الكاتب فايز66

فايز66

مواضيع متعلقة

تستطيع ان تعلق عن طرق التواصل الإجتماعي